Albanian Bible

< Psa 123 Psa 125 >

Psalmet 124

1 Në qoftë se Zoti nuk do të kishte mbajtur anën tonë, le të thotë Izraeli:

2 "Në qoftë se Zoti nuk do të kishte mbajtur anën tonë, kur njerëzit u ngritën kundër nesh,

3 ata do të na kishin përpirë të gjallë, aq shumë shpërtheu zëmërimi i tyre kundër nesh;

4 atëherë ujërat do të na kishin mbuluar dhe përroi do të kishte kaluar mbi ne,

5 atëherë ujërat e fryra do të kishin kaluar mbi ne".

6 Bekuar qoftë Zoti, që nuk na la si pre të dhëmbëve të tyre.

7 Shpirti ynë shpëtoi si zogu nga laku i gjuetarit; laku u këput dhe ne shpëtuam.

8 Ndihma jonë është te emri i Zotit, që ka krijuar qiejtë dhe tokën.

Book Summary

Psalmet janë libri i këngëve i Biblës: njëqind e pesëdhjetë lutje e himne lavdërimi, vajtimi, falënderimi dhe besimi, shumë prej tyre që i atribuohen Davidit. Nga thellësitë e dëshpërimit deri në lartësitë e adhurimit, ato kanë folur në lutjet e popullit të Perëndisë për mijëvjeçarë.

< Psalmet 123 Psalmet 125 >

Read on Easy Bible Play on Verse Drop