1 Nga vënde të thella unë të këllthas ty, o Zot.
2 O Zot, dëgjo klithmën time; veshët e tu dëgjofshin me vëmendje zërin e lutjeve të mia.
3 Në rast se ti do të merrje parasysh fajet, o Zot, kush mund të rezistonte, o Zot?
4 Por te ti ka falje, me qëllim që të kenë frikë prej teje.
5 Unë pres Zotin, shpirti im e pret; unë kam shpresë në fjalën e tij.
6 Shpirti im pret Zotin, më tepër se rojet mëngjesin; po, më tepër se rojet mëngjesin.
7 O Izrael, mbaj shpresa tek Zoti, sepse pranë tij ka dhemshuri dhe shpëtim të plotë.
8 Ai do ta çlirojë Izraelin nga të gjitha paudhësitë e tij.
Book Summary
Psalmet janë libri i këngëve i Biblës: njëqind e pesëdhjetë lutje e himne lavdërimi, vajtimi, falënderimi dhe besimi, shumë prej tyre që i atribuohen Davidit. Nga thellësitë e dëshpërimit deri në lartësitë e adhurimit, ato kanë folur në lutjet e popullit të Perëndisë për mijëvjeçarë.