Biblia Sacra Vulgata

Psalmi 42

1 iudica me Deus et discerne causam meam a gente non sancta a viro doloso et iniquo salva me

2 tu enim Deus fortitudo mea quare proiecisti me quare tristis incedo adfligente inimico

3 mitte lucem tuam et veritatem tuam ipsae ducent me et introducent ad montem sanctum tuum et ad tabernaculum tuum

4 et introibo ad altare tuum ad Deum laetitiae et exultationis meae et confitebor tibi in cithara Deus Deus meus

5 quare incurvaris anima mea et quare conturbas me expecta Dominum quoniam adhuc confitebor ei salutibus vultus mei et Deo meo

Book Summary

Psalmi sunt liber canticorum Bibliorum: centum quinquaginta orationes et hymni laudis, lamenti, gratiarum actionis et fiduciae, multi Davidi tributi. Ab imis maeroris usque ad culmina adorationis, orationes populi Dei per millennia expresserunt.

< Psalmi 41 Psalmi 43 >

Read on Easy Bible Play on Verse Drop