1 I te putanga mai o Iharaira i Ihipa, o te whare o Hakopa i te iwi reo ke,
2 Ko Hura tona wahi tapu, ko Iharaira tona rangatiratanga.
3 I kite te moana, a whati ana: i whakahokia ki muri a Horano.
4 Pekepeke ana nga maunga ano he hipi toa, nga pukepuke ano he reme.
5 I ahatia koe, e te moana, i whati ai koe e Horano, i whakahokia ai koe ki muri?
6 E nga maunga, i pekepeke ai koutou ano he hipi toa; e nga pukepuke, ano he reme?
7 E wiri, e te whenua, i te aroaro o te Ariki; i te aroaro o te Atua o Hakopa;
8 I meinga ai te toka hei hopua wai; te kiripaka hei puna wai.
Book Summary
Ko ngā Waiata te pukapuka waiata o te Paipera: kotahi rau rima tekau ngā īnoi me ngā waiata whakamoemiti, tangi, whakawhetai, me te whakawhirinaki, he maha nā Rāwiri. Mai i te hōhonu o te pōuri ki te teitei o te karakia, kua kawe i ngā īnoi a te iwi a te Atua mō ngā mano tau.